Avtomobil 23.11.2007-ci il istehsalıdır, sadə mühərrik, start-stop düyməylə işə salınır, yürüş orijinaldır, təkərlər, mühərrik və sürətlər qutusu saz vəziyyətdədir. Bir aydır məndədir, 17000 manat borc əvəzi götürmüşəm. Bir ay ərzində texniki baxışdan keçirmişəm, sığortasın həll etmişəm, cərimələrin ödəmişəm və bir həftəlik İsmayıllı-Qəbələyə aparıb “nəfəsin genişləndirmişəm”. Məndən öncə maşına yaxşı baxmayıblar, hazırda kosmetik, elektrik, salon və işlək hissələrinə xərc çəkilsə yaxşı olar. Duruşu yaxşıdır, amma rəng dəyən hissələri də var, təəssüf ki, çobansayağı işləyiblər. Avtomobilə maksimum 2500 manat xərc çəkilsə, olar “anadan gəlmə”. Mən niyə bu problemləri həll etmirəm: istəyim və vaxtım yoxdur - mənə pulumu diriltmək lazımdır. Qeyrətli və dözümlü avtomobildir, bir həftə rayonda oldum qətiyyən incitmədi. Yanacaq sərfiyyatı: şəhər içi - 16 litr; trassda - 10 litr. Bakıda 20 manatlıq 92 benzini vurdum, birdə Vəndam qəsəbəsində Lukoilda yanacaq doldurdum. Nağd qiyməti: 15500 manat; banksız hissə-hissə ödənişlə də sata bilərəm - bu halda qiymət olacaq 10 min dollar, 5 mini ilkin ödəniş, qalan hissə 10 aya hər ay 500 dollar olmaqla. Qiymətlər sondur. Xahiş edirəm, diqqətlə oxuyun, sonra zəng edin. Cavabı mətndə olan suallar ünvanlamayın. Anlayışınız üçün təşəkkür edirəm.
