Salam.
Sizə öz etibarlılığı, keyfiyyəti və dözümlülüyü ilə yaşadığımız dövrə qədər öz aktuallığını qoruyub saxlayan və istehsal tarixindən uzun zaman keçməsinə baxmayaraq müasir avtomobillərlə tam rəqabət apara biləcək və cəmi 210 000 km orijinal yürüşü olan “Mercedes” markasının əfsanəvi “W 202” modelini təqdim edirəm.
Avtomobıl 2006-cı ildə ölkəyə gətirilmişdir, gətirilən gündən yalnız bir sahibi olub, və bugünkü günə qədər yalnız bir nəfər tərəfindən idarə olunub. Texniki şəhadətnamə 2006-cı ildə verilib və dəyişilməyib (fotoda göstərilib). Sahibi Rusiya Federasiyasında işlədiyi üçün ildə 3000-3500 km arası sürülüb və mühərrik yağı reqalmentə uyğun olaraq hər 6 aydan bir dəyişilib. Mühərrik və ötürüsülər qutusu açılmayıb, eləcə də digər hissələrə usta əli dəyməyib. Yürüşü az olduğu üçün mühərrik və ötürücülər qutusu, eləcə də digər texniki və hərəkət hissələri tam idealdır. Avtomobildə demək olar ki, hər hansı bir təmir işi görülmədiyi üçün demək olar ki, bütün detalları zavod istehsalıdır. Üç ədəd açar və zavod tərəfindən verilmiş istismar təlimatı kitabçaları mövcuddur və alıcıya təqdim ediləcəkdir. Avtomobilə boya dəymədiyi üçün müəyyən yerlərdə və az miqdarda boya örtüyündə qabarmalar müşahidə olunur (fotoda göstərilib), eləcə də kapot və baqajın lak örtüyünün müəyyən hissələrinin parlaqlığı itib .Alıcı zövqünə uyğun olaraq kosmetik işlər gördürə bilər. Dövlət qeydiyyat nişanı 2006-cı ildə üzrərinə bağlanandır (dalğalı bayraq) və təptəzə qalıb (alan şəxsə hədiyyə veriləcək). Salonu səliqəlidir, arxa yan şüşələrə plyonka belə vurulmayıb, yürüşə uyğun olaraq oturacaq çexolları təzə kimidir. Bazar qiymətlərindən kifayət qədər məlumatlıyam və qiyməti bu günün reallığına uyğun avtomobilin texniki vəziyyətini nəzərə alaraq qoymuşam. Alverçi, calaqçı, dəllal deyiləm və avtomobil özümə məxsusdur.
Qiymət müzakirəsi və endirim yalnız avtomobilə yerində baxış keçirildikdən sonra aparılacaqdır. İnanıram ki, belə vəziyyətdə olan avtomobilin dəyərini bilən, özünə tam sağlam və usta qapısı tanımayacaq bir avtomobil almaq istəyən şəxsə qismət olar İnşallah. Whatsapp aktivdir.
Diqqətiniz üçün təşəkkür edirəm.
